Мақсаты: Төле бидің даналығы,шешендік тапқыр сөздері жайлы түсіндіру,мәлемет беру;

Оқушыларды қазақ халқының бұрынғы сот төрелігі, билік айту жүйесімен таныстыру, қазақ билерінің өмірі, олардың тарихта алатын орны, өнегелі істері жайында мәлімет беру.

Қ.Сатпаев атындағы орта мектеп кітапханасында қазақ халқының атақты үш биінің бірі – Төле бидің туғанына 360 жыл толуына орай : «Туралықты тұғыр еткен Төле би» атты кітап көрмесі жасақталды.  Шараға 9 сынып оқушылары қатысты. 

Қ.Сатпаев атындағы орта мектеп кітапханасында 

«Білім кілті кітапхана» атты мектеп кітапханасымен таныстыру жұмыстары жүргізілді

Мақсаты: 1 сынып оқушыларын  кітапхана ережесімен таныстыру, кітапқа деген қызығушылықтарын арттыра отырып кітапты ұқыпты, таза ұстауға баулу.

            1  сыныптармен «Білім кілті кітапхана» атты кітапхана сағаты өтті. Кішкентай оқырмандарға  кітапханадағы көрмелер, кітаптар, тақырыптық сөрелер таныстырылды. Оқушылар  ертегі оқыды, өздері оқыған ертегілер туралы айтты. Кітап туралы тақпақтар мен мақал-мәтелдер айтты. Оқырмандарға кітапхана ережесі мен оқырман ережесі таныстырылып, ендігәрі кітапханадан кітап алып оқуларына, кітапхананың ең жас оқырмандары қатарына қосылғандықтарымен құттықтап кітапты көп оқулары керектігі айтып түсіндірілді.

    Қ.Сатбаев атындағы орта мектебінің кітапханасының ұйымдастыруымен   19 қыркүйек күні 1 сыныптар арасында «Кітапхана әлеміне-саяхат» тақырыбында кітапханаға саяхат ұйымдастырылды.  Жас оқырмандарды кітапхана өмірімен таныстырып, білімнің кітап арқылы берілетіндігін ұғындыра отырып, кітапқа деген қызығушылықтарын  арттыру, кітаптарды  күтіп ұстауды үйрету мақсатында кітапханашы Г.Жумабаева түсіндіру, таныстыру  жұмыстарын жүргізді.

             Қараша айындаҚ.Сатпаев атындағы орта мектеп кітапханасы «Оқуға құштар мектеп» жобасы аясында оқырмандар арасында Буккросинг акциясын жариялады.

Мектебіміздің 2- қабатында кітапхана жанынан Буккросинг сөресі қойылды.

Оқырмандар үшін көркем әдебиеттер қойылып, акция жайлы әр сыныптың оқушылары арасында түсіндіру жұмыстары жүргізілді.

Мектеп ұзтаздары,оқушылар акция қатысады деп сенеміз.

 Қ.Сатпаев атындағы орта мектеп кітапханасы Желтоқсан айында

  «Оқуға құштар мектеп » жобасы аясында, кітапхана қорын толықтырып, жас ұрпақты кітап оқуға шақыру мақсатында«Кітапханаға кітап сыйла!» акциясын жариялады.

 Акция барысында 5 “Б” сыныбы мектеп кітапханасына Фариза Оңғарсынованың бірнеше томдық кітабын сыйға тарты. Кітапты жай ғана сыйға тартып қоймай шоқтығы биік туындыларын мәнерлеп, жатқа оқыды. Ақын өмірі мен шығармашылығымен танысты. Кітап сыйлай, оны кіршіксіз көңілмен қабыл алу кез келгеннің қолынан келе бермейді. Алайда, бұл ерлікті жасау жас бүлдіршіндердің қолынан келді. 

Кітапханаға кітап сыйлай білейік!    Акция жалғасуда:

      "Қ.Сатпаев атындағы орта мектеп" КММ мектеп кітапханасының ұйымдастыруымен "Оқуға құштар мектеп" жобасы аясында 4 сыныптар арасында "Мың бір мақал-жүз бір жұмбақ"сайысы өтті.

Сайыс өткізудегі мақсат:ата-бабамыздан қалған өсиет сөздері арқылы адамгершілікке,ойын нақты,дұрыс жеткізуге,тапқыр сөйлеуге үйрету.Сайысқа әр сыныптан белсене қатысқан оқушылар өз өнерлерін көрсетті.Сайыста  мектебіміздің қазақ тілі мен әдебиет пәндерінің мұғалімдері: Суюндикова М.А,Бапақова А.Ө, Аштаев А.М,Рақымжан Ж. қазылық етті.Әділ қазылардың шешімімен 1-орынды 4Б сынып оқушысы Мухамет Кәусар иеленді. 2,3 орындарды Карамаддин Ж,Базарбай М, Жаксибай А, Сарсенбай І, Бақытбек Аянат өзара бөліске салды. Мектеп кітапханашысы Жумабаева Г.Н. сайысты қортындылап, кітап оқудың пайдасын айта келе,оқушыларды жеңістерімен құттықтап,сынып жетекшілеріне алғыс айтты.Алдағы уакытта да кітап оқып,кітапханаға жиі келіп тұруға шақырды.

            Қ.Сатпаев атындағы орта мектеп кітапханасы  «Оқуға құштар мектеп» жобасы аясында Қазақ ұлтының азаттығы үшін күрескен кемеңгер алып тұлғаның бірі Сырым Датұлының 310 жылдығына орай тарих пәнінің мұғалімі Сейилханова Баян Харишанқызымен  бірлесе отырып,  8 В сынып оқушылары арасында тарихи-танымдық сағат өткізді. 

Мақсаты: Қазақ ұлтының азаттығы үшін күрескен кемеңгер, қара тілдің дүлділі, қазаққа белгілі алып тұлғаның бірі Сырым Датұлының еліне істеген қасиетін, өсиет етіп кеткен ұлағатты сөздерінің тәрбиелік маңызын жас оқырмандарға өнеге ету, насихаттау.

 Баян Харишанқызы Сырым Датұлы жайлы тарихи деректермен таныстырып,слайд,видео роликтер көрсетті. Кітапханашы Жумабаева Гульзада Нұрмашқызы  «Оқуға құштар мектеп» жобасының мақсаты жайлы айта келе,тақырыпқа сай жасалған кітап көрмесімен таныстырып өтті. Оқырмандарды кітапханаға көркем, тарихи шығармаларды оқуға шақырды. Баян Харишанқызы қазақ елінің тәуелсіз ел болудағы тарихын айта отырып, өскелең жас ұрпақты Тәуелсіздігіміздің тарихы мен болашағын  бағалай білуге шақырды.

«Оқуға құштар мектеп» жобасы аясында «Кітапханаға кітап сыйла!» атты қайырымдылық акциясы жарияланды.

Шараның мақсаты – халықтың рухани байлығын дамытып, кітапхананың кітап қорын әдебиеттермен толықтыру, оқырман мен кітапхана арасын нығайту және жас ұрпақтың білімді де мәдениетті болып тәрбиеленуіне үлес қосып, жастардың кітап оқуы үшін оларды кітапханаға тарту.  Кітапхана қорын түрлі әдебиеттермен толықтыру, балаларды оқуға тарту мақсатында ұйымдастырылған акцияға аталмыш білім ордасының ұстаздары мен оқушылары қатысып көптеген кітаптар сыйға тартты.

Шара барысында   мектебіміздің   5 Б – сынып оқушылары сынып жетекшілері Жауһар Рақымжанқызының бастауымен Фариза Оңғарсынованың өлеңдер жинағының томдарын сыйға тартып, өздері ақын апамыздың жырларын мәнерлеп оқып,   көрермендерге көтеріңкі көңіл-күй сыйлады.

«Оқуға құштар мектеп»жобасы аясында мектеп кітапханашысы Жумабаева Г.Н.  6 «Б» сынып оқушыларымен «Ойын арқылы поэзияға баулу» атты библиографиялық ойын өткізді.  

Жас ұрпақ жеткішектердің арасында поэзияны танып біліп,әрқашан оқып үйреніп жүрсін деген мақсатта,қазақ әдебиетін,поэзиясын насихаттау үшін өткізілген ойынға оқушылар белсене қатысты.  Берілген өлең жолдарынан,өлең шумақтарын тез құрап,қосымша қызықты логикалық сұрақтарға жарыса жауап берді.    

Ағымдағы оқу жылында мектебімізде Оқуға құштар мектеп жобасын қорытындылау мақсатында “Үздік оқырман - 2023 “ сайысы өтті.

Сайыс мақсаты: Оқушылардың алған білімдерін саралау,жан- жақты толықтыру.Оқушылар арасынан озық ойлы білім жүйрігін анықтау.Өз мүмкіндігін дұрыс пайдалана алатын зерделі тұлғаны тәрбиелеу.

Көп кітап оқыған оқырман оқушыға бағалы сыйлықтар тағайындалған болатын.Сайыс тартысты өтті.

Бас жүлдені Велосипед 8 сынып оқушысы Еркебай Жанельге бұйырды.