Алматы облысы білім басқармасының Еңбекшіқазақ ауданы бойынша білім бөлімі мемлекеттік мекемесінің Қ.Сатпаев атындағы орта мектеп КММ-де 2025 жылғы 20 қаңтар күні 8-11 сынып қыздары арасында арнайы жиналыс өткізілді.

Іс-шараға мектеп директорының тәрбие ісі жөніндегі орынбасары Барлыбекова Н.М. және Қазақ психологтар қоғамының мүшесі, республикалық дәрежедегі тренер, Президент жанындағы Әйелдер және балалар істері жөніндегі “One Stop Service – Бір қадам” орталығының практик-психологы, мәртебелі психолог, медаль иегері, сондай-ақ “Астарлы ақиқат” телебағдарламасының сарапшысы Хабаева Жеңісгүл Жапарханқызы қатысып, қыздарға тәрбие және психологиялық бағытта маңызды ақпараттар мен кеңестер берді.

Жиналыс барысында оқушыларға қыз баланың қоғамдағы рөлі, жеке тұлғаның дамуы, өзін-өзі құрметтеу және болашақ өмірде дұрыс таңдау жасау туралы тақырыптар жан-жақты талқыланды. Хабаева Жеңісгүл Жапарханқызы өзінің кәсіби тәжірибесімен бөлісіп, оқушылардың сұрақтарына жауап беріп, өзекті мәселелерді шешудің тиімді жолдарын түсіндірді.

Бұл шара жасөспірім қыздардың тәрбиесі мен тұлғалық дамуына бағытталған ерекше әрі маңызды кездесулердің бірі болды. Жиналыстың басты мақсаты – оқушыларға өмірлік құндылықтарды түсіндіру, олардың ішкі жан дүниесін байыту және қоғамда өз орнын табуға ықпал ету.