Байқау

Еңбекшіқазақ ауданы әкімінің аудандық кітапханасында 25 ақпан күні Жыр алыбы Ж.Жабаевтың 175 жылдық мерей тойына орай «Жыр жазамын жүрегімнен» аты поэзия кеші өтті. Іс-шараға Қ.Сатпаев атындағы орта мектеп және Абылай хан атындағы орта мектеп оқушылары, кітапханамыздың тұрақты оқырмандары, кітапхана қызметкерлері қатысты. Кітапханамыздың тұрақты оқырмандары Талдыбаев Айбек пен Сейсенбай Нұрғиса көрініс көрсетіп, Қ.Сатпаев атындағы орта мектептің оқушылары Жамбыл атамыздың өлеңдерін, жырларын оқыды. «Жыр алыбы - Жамбыл» атты слайд көрсетіліп, «Шаң жұқпайтын шын жүйрік» атты кітап көрмесі таныстырылып, Ж.Жабаевтың әдеби мемориалдық мұражайы туралы бейне жазба көрсетілді. Поэзия кешіне белсене қатысқан оқырмандар мадақтама қағаздармен марапатталды.