Таланттар жәрмеңкесі - 2022

«Алматы облысы білім басқармасының Еңбекшіқазақ ауданы бойынша білім бөлімі” мемлекеттік мекемесінің “Қ.Сатпаев атындағы орта мектеп” коммуналдық мемлекеттік мекемесінде 4 наурыз күні «Таланттар жәрмеңкесі-2022» фестивалі алғыс айту күніне орай «Рахмет сізге!» атты ұранмен өтті. Шараның нышаны- әр баланың талантындай күллі әлемді нұрландыратын отты құс. Аталған іс-шара ата-аналарды, мұғалімдерді және оқушыларды біздің балаларымыз бен жастарымыз айналысатын шығармашылық салаларды кең ауқыммен таныстыруға бағытталған «мұғалім және оқушы» тандемі бойынша өтті.
Фестиваль Алматы қаласындағы Россотрудничествоның, яғни Алматы қаласындағы Ресей Федерациясының консулы Барышникова Татьяна Викторовна мен оқу жобасы бөлімінің меңгерушісі Зубкова Тамара Владимировнаның және «Алматы облыстық білім басқармасы» әдістемелік оқу орталығының аға әдіскері Тортаева Айжан Тоғанбаевнаның қолдауымен өтті. Сонымен қатар Талғар ауданындағы «Ю.Гагарин атындағы балаларға арналған үш тілде оқытатын №8 арнаулы гимназиясының» мұғалімдері мен оқушылары, серіктес мектептерден ауданымыздан «Б.Майлин атындағы орта мектеп», «Садыр» орта мектебі және Есік гуманитарлық-экономикалық колледжінің ұстаздары мен студенттері қатысты.